Entrega de premio.

O ordenador sorteado polo alumnado de 4º de ESO para financiar a viaxe de fin de curso foi a parar ás mans de Miguel López Rico, profesor de administración. A rifa premiada vendeulla un dos alumnos que xa disfrutaron dunha estancia de catro días en Estambul e dous de relax en Sanxenxo.

Concurso de relato breve: presentación de las obras ganadoras

 

 Saludamos hoy a los ganadores del tercer Concurso de relato breve del IES Porta da Auga. Todos los relatos son buenos, si cabe mejores que los de años anteriores. Nos referiremos a ellos invidualizadamente para presentarlos resaltando sus cualidades narrativas y estilísticas.

El relato ganador, que le debe mucho al cine, posee cualidades narrativas notables. Mario García maneja con sorprendente destreza un narrador múltiple que enfoca desde una triple perspectiva. La trama compleja de tan breve relato nos atrapa en su red y nos deja con una vaga sensación de misterio y de desasosiego. Auguramos a su autor, ya con un pie en la Universidad, un prometedor futuro de éxitos literarios.

El tesoro de Java corresponde a Carolina Martínez una autora ya conocida de este certamen. Acredita una notoria voluntad de estilo reflejada, por ejemplo, en su cuidada adjetivación. El cuento se cierra de manera muy bella y sugerente. Nos permitimos recomendar a su autora la lectura de clásicos como Madame Bovary.

En Macondo, cuando era tan solo “ una aldea de veinte casas de barro y caña brava”, “muchas cosas no tenían nombre y para mencionarlas había que señalarlas con el dedo”. Este nombrar primigenio “original” exige una mirada transparente y limpia de contaminación. La libreta de María Redondo inaugura un mundo de notas referenciales que le servirán a su autora para desvelar “une tranche de vie”. Decía Picasso que le había llevado toda una vida llegar a pintar como un niño: ¿será la autora de El profesor de Lengua capaz de mirar y contar así dentro de cuarenta años? Desde aquí la animamos a ello.

(Enlace al "pdf" de los textos ganadores)

Las dos menciones son muy distintas narrativa y estilísticamente. El relato de Daniel Fernández, de sugerente título, Diez años y una promesa,  refiere una historia de desgarrador y apacible desamor, de una “herida que duele y no se siente” hasta que Isabela se ausenta definitivamente. Es la peregrinación de un medio yo buscando su completud.

Veleidades, de Clara Alonso, es un poema en prosa, donde la música importa “avant toute chose”. Conviene leerlo varias veces: la primera en silencio, la segunda en susurro y, por fin, una tercera sin mirar ya lo escrito, enclaustrando en el cerebro los últimos sonidos de esta bella melodía.

(Enlace al "pdf" de los textos con mención)

Intercambio escolar co IES de Melide

Os días 23 e 30 de maio, alumnado de 2º e 3º de ESO puido compartir dúas amenas xornadas coas compañeiras/os do IES de Melide, poñendo así continuidade ao previo intercambio epistolar.

Comezamos nós visitando Melide. A súa calurosa acollida, con actuacións musicais de grupos de vento e de música tradicional, agasallo de melindres e doces típicos de Melide e visita ás instalacións do instituto, superou calquera tipo de expectativas.

Continuaron mostrándonos  parte do seu interesante patrimonio (Igrexa de Santa María e aldea de Furelos, no Camiño Francés a Santiago de Compostela). Seguiu o xantar na área recreativa á beira do río, con baño incluído.

Á tarde, visitamos o Museo de Melide, con interesantes coleccións, etnográficas e arqueolóxicas, de utensilios recollidos na comarca. De seguido, concurso de grupos, no que valéndose de pistas espalladas pola vila, houbo respostando a un cuestionario. E ao final había premio!

Saímos moi contentos pola xornada, pero preocupados pola consciencia da dificultade que ía supoñer estar á súa altura. Ese foi o tema de conversa durante grande parte do camiño de volta.

O día 30 tocounos a darlles a acollida. Comezamos coa actuación dun cuarteto que lles ofreceu un pequeno concerto de percusión utilizando como instrumentos … contedores do lixo! Foi moi bonito ver a súa cara de sorpresa e se ían enganchando co ritmo. A partir de aquí, o optimismo xa se extendía entre as nosas filas. Acto de acollida, con canción coral de “E ti que lingua falas?” e  “A Rosiña do estanqueiro” e breve explicación sobre Ribadeo e sobre o programa de actividades do día.

Levámolos polo paseo marítimo, mostrámoslles as vistas desde o ascensor e a Atalaia, estivemos no Cargadeiro e no forte San Damián e subimos ao faro de Illa Pancha. E o tempo aínda deu para un baño en Rochas Brancas.

O xantar foi no monte de Santa Cruz. Despois, repartidos en grupos guiámolos por Ribadeo, mostrándolles os lugares de máis interese.

E a despedida, na Praia das Catedrais. Sen dúbida que desta xornada, á parte do bo recordo e de ter aprendido algo máis sobre outra zona do noso País e incluso sobre como somos nós, para algunhas/os quedan novos amigos/as cos que seguiremos en contacto.

A actividade estivo organizada polo Equipo de Dinamización da Lingua Galega.

O IES Porta da Auga no Correlingua 2012

O 16 de maio alumnos e alumnas do noso instituto desprazáronse a Viveiro para participar nas actividades do Correlingua, a carreira anual en defensa da nosa lingua. Foi o remate dunha serie de traballos preparatorios no centro,  como a do Galeoke, a redacción do manifesto...

A carreira do Correlingua saiu de diante do CEIP Lois Tobío, en Covas, para cruzar a ría pola ponte da Misericordia. Logo fíxose un percorrido polo casco histórico, para rematar na Praza Maior, onde se puxo o ramo cun festival de música.

 Presentou o acto a actriz Iria Sobrado, e actuou o gañador do concurso Cantalingua, Xenderal, un cantante de rap en galego que fixo que moitos dos presentes subisen ao palco a bailar, tal era o ritmo que tiña. Deuse lectura ao manifesto deste ano, e un grupo de alumnas e alumnos de Viveiro cantaron. Estes últimos foron tan animados que o palco non foi suficiente para todos os que querían subir.

Como Viveiro é unha vila con moito atractivo aproveitamos para coñecela mellor: xantamos na praia de Area, onde, de paso, nos demos o primeiro baño da tempada (Que fría estaba a auga!); subimos ao Monte San Roque, que ten unhas vistas impresionantes de Viveiro e da ría; descubrimos o casco histórico e os seus principais monumentos a través dun xogo de localización, e rematamos coa lectura pública doutro manifesto en defensa da lingua galega, de novo na Praza Maior.

A volta en autobús fíxose curta: cantamos cancións populares.

Unha viaxe ao mundo da lusofonía

O pasado martes 15 de maio, o alumnado de 4º de ESO e de 1º de Bacharelato asistíu á actuación musical de Fran Pérez, “Narf”, un artista que interpreta poemas cantados, dende o noso Castelao,  ou o Mozambicano José Craveirinha, pasando polo portugués Luís de  Camoes, ata outros autores contemporáneos como Xelís de Toro (Galiza), Sonia Sountuane (Mozambique),  ou Paulo Macamo (Mozambique), ademais doutras cancións escritas polo propio Narf.

 No concerto, de formato intimista, escoitamos cantar en Galego, en Portugués, en linguas de orixe bantú como Shangana ou Machopi, e tamén en Inglés escrito por galegos, dando a entender a gran capacidade do noso idioma  e da nosa identidade para conectar a persoas de moi diferente orixe cultural, pero que teñen o vínculo da fala, que funciona como una ponte única para o encontro.

Ademais, o cantante fala das súas experiencias vitais de varios anos de viaxes e intercambios con artistas de Brasil, Mozambique, Portugal, Cabo Verde ou Guiné Bissau, en diálogo cos alumnos. 

O concerto permitiu mostrar a potencialidade do galego como idioma válido para a comunicación en todo o ámbito dos países da lusofonía, entre linguas que comparten a mesma orixe, así como compartir enriquecedoras experiencias co autor, que sintonizou moi ben co seu público.

A actividade organizarase en comandita entres os Equipos de Dinamización da Lingua Galega dos dous IES de Ribadeo, o IES Gamallo Fierros e o noso, o IES Porta da Auga.

Excursión a Santiago

O alumnado dos ciclos de Administración viaxou a Santiago para visitar o Parlamento de Galicia e o Museo do Pobo Galego.

Power-Point da visita


 

Ruta literarias polo Museo … e máis!

O pasado 31 de xaneiro, coa realización da ruta literaria polo Museo Provincial de Lugo, os alumnos de 1º de ESO puxeron fin a unha actividade que xa viñan preparando no IES desde decembro.

Nese mes, comezaron a lectura dos catro contos incluídos no libro Contos do museo. Ese é un requisito previo para o bon aproveitamento da actividade: subgrupos de cinco alumnos deben competir contestando, nun tempo limitado a un cuestionario sobre os textos lidos previamente e sobre información a recoller no museo (obras, autores, etc.). Os equipos gañadores reciben un pequeño agasallo.

Pero retomemos a historia de que como foi a xornada. Con bon ánimo e cos deberes feitos (lease lectura), saímos ás 8:35 h. do Instituto. Ao pasar por Meira detivémonos a dar un paseiño en Fonmiñá, ou sexa, no “nacemento do Miño”, do pai Miño.

Ás 10:30, 1º ESO A entra a facer a súa ruta no museo, mentras 1º B inicia a sua andaina polo adarve da muralla, que, como sabes, foi distinguida como patrimonio da humanidade. Pero sabías que é a unica muralla romana que conserva todo o seu perímetro? Ás 12:00, procédese ao cambio: 1º B entra no museo e 1º A comeza a súa andaina de 2.266 m. polo monumento.

Ás 13:30, reunión de ambos grupos e, como premio dado o bon comportamento de todo o grupo, saída cara o Centro comercial As Termas, onde se procede a liquidar o último bocata, ... se é que sobrevivira ata ese momento.

Ás 15:00, chegada ao Castro de Viladonga. Visita ao castro, visualización do interesante audiovisual, e visita ao museo, cada vez máis interactivo.

... E ás 17:30, arrivada a Ribadeo, non sen antes compartir no autobús

“Delícia, delicia
Assim você me mata
Ai se eu te pego, ai ai se eu te pego”

A actividade estivo organizada polo Equipo de Dinamización da Lingua Galega.

Aproveitamos o "Día dos Humedais" para facer observacións na Ría de Ribadeo.

O alumnado de 4º de ESO que cursa a materia de Bioloxía e Xeoloxía desprazouse ata a Ría de Ribadeo para realizar observacións de flora e fauna. Lembramos así que hoxe é o "Día dos Humedais"

<

Entregouse a cesta do sorteo de Nadal

A cesta donada por EROSKI como patrocinio da excursión de fin de curso de 4º de ESO marchou para Navia, de alí é a feliz agraciada que comprou a papeleta gañadora a un dos nosos alumnos, precisamente nese mesmo centro comercial.

1º e 2º de ESO viviron HORA AZUL con Tropa de Trapo

Foi o último día de clase antes das vacacións de Nadal. Marta, coa súa palabra, e Brais, coa música e tamén coa palabra, esta curiosa tropa como eles se califican, conducíronnos por un espectáculo mestura de contos lonxanos e cercanos, de romarías e desertos, de mulleres que non se renden, de nenos que xogan, de homes que emigran… Catro contos de Marrocos, de Alxeria, da Galiza… de calquera parte do mundo e de todas á vez.
Contos de mulleres valentes en tempos difíciles, festas nunha aldea galega, lendas marroquís… Historias ao son da guitarra portuguesa, do laúde árabe, da darbouka, do caixón flamenco e das karkaba. Ideais, valores, cartos, historias de amor entre as areas do Sáhara e o torreiro de Chandebrito, que nos fixeron ... sentir.
E a continuación, no obradoiro, 1º de ESO iniciouse no oficio, de contacontos, claro. Houbo que deixar sair a imaxinación, desinhibirse para ver que tod@s temos habilidades narrativas e escénicas ... ah! e valorar a importancia de escoitar.

A actividade foi organizada polo Equipo de dinamización da lingua galega.

Obradoiro de transformación de produtos lácteos.

O 21 de decembro o alumnado de 1º de Bacharelato que cursa a materia de Bioloxía e xeoloxía asitíu a un obradoiro de transformación de produtoa lácteos celebrado no Centro de Formación e Experimentación Agroforestal Pedro Murias.

A valorización do medio rural, así como a fixación da poboación no mesmo, aparecen como liñas básicas de actuación de organismos como a UE e a Consellería do Medio Rural. Polo tanto entendemos que a formación debe ir encamiñada á contribución de conseguir estes obxectivos. De tal maneira que a diversificación das producións é o mellor aproveitamento dos recursos
propios, dá lugar á consecución nas mesmas dun maior valor engadido, nos procesos de produción, baixo unha denominación de calidade específica, contribuíndo así en parte á consecución destes obxectivos.

O C.F.E.A. Pedro Murias, inscrito no CRAEGA (Consello Regulador de Agricultura Ecolóxica) conta cun Obradoiro de Lácteos, sendo polo tanto o lugar axeitado para contribuír en parte a estes fins.

Pretendese entonces adquirir os coñecementos básicos dos procesos de transformación de leite en produtos lácteos derivados de amplo consumo:

• Coñecer e diferenciar os principais compoñentes do leite, así como a importancia dentro da estabilidade da solución e polo tanto naelaboración de produtos lácteos.
• Coñecer os diferentes tipos de callo e as peculiaridades da callada.
• Describir os fundamentos básicos na fabricación de queixos e leites fermentadas.
• Diferenciar as principais características tecnolóxicas das ultimas denominacións de orixe de queixo que se elaboran en Galicia.
• Coñecer as diferentes etapas do proceso produtivo na elaboración de produtos lácteos, incidencia nos obxectivos das mesmas, tecnoloxías empregadas, variables, parámetros e
  control da súa incidencia na calidade e produtividade.

Programa realizado:

• Introdución á queixería.
• Introdución ás leites fermentadas.
• Taller práctico de elaboración de queixo da D.O. Arzua Ulloa.
  
  

  

Bo Nadal e próspero ano 2012

Segunda parte do intercambio co IES Aquis Celenis de Caldas de Reis

O pasado 31 de maio, os alumnos/as do IES Aquis Celenis visitaron Ribadeo, correspondendo á nosa visita previa a de Caldas de Reis. Ambas inscribíronse dentro do actividade de intercambio con outro centro educativo galego, programada polo Equipo de dinamización da Lingua Galega, que ten entre os seus obxectivos coñecer outras zonas do noso país e promover o uso do noso idioma.

Foi unha xornada amena e interesante, na que todos/as, de Caldas ou de Ribadeo, aprendemos algo máis sobre a nosa localidade, a nosa historia, o noso presente, as nosas particularidades lingüísticas, ... sin faltar ás referencias ao noso caracter e a sección de curiosidades.



A xornada comezou ás 12:00 h. cunha breve recepción a cargo do noso director e dos alumnos participantes. A continuación fomos a pé polo paseo marítimo, usamos o ascensor da Atalaia, continuamos ata o Cargadoiro, entramos no Castelo San Damián e rematamos subindo ao faro de Illa Pancha.

Posteriormente, xantamos en Santa Cruz, onde tamén nos divertimos ao grande con actividades como o tiro de corda ou o xogo do pano.

Á tarde, organizados en grupos, realizamos unha rota urbana comentada, na que todos, incluso nós, descubrimos aspectos nos que, de non ser así, non repararíamos.

Para rematar a xornada, dirixímonos a Rinlo, onde nos despedimos, quedando con novos amigos e amigas, cos que seguiremos en contacto. (Álbum).

O alumnado é o protagonista

O pasado 21 de xuño, os alumn@s de 4º ESO que cursan bioloxía, viaxaron a Pontevedra para participar, por segundo ano, nunha das actividades da Axenda 21: o encontro “O alumnado é o protagonista”. Expuxeron un traballo feito durante este curso e que leva por título “Un ecosistema: A Ría de Ribadeo” que xa puido verse na nosa Feira da Ciencia e que tamén levamos ó día da Ciencia na rúa celebrado na Coruña. Trátase dun estudio integral da nosa ría abordando distintos aspectos: orixe, xeomorfoloxía, avifauna invernante, grandes comunidades vexetais, zonación sedimentaria, cultivos, censos e sostibilidade da ría.
Realmente penso que mereceu a pena, non só porque o noso traballo gustou moito e os nosos alumn@s recibiron moitas felicitacións senón tamén porque poidemos observar moitas outras formas de traballar para conseguir un entorno sostible dende áreas tan distintas como lingua, plástica ou matemáticas e con actividades moi variadas pero que todas persiguen o mesmo: a sensibilización ambiental. Está claro que tal e como dixo Mayor Zaragoza “ O noso futuro non dependerá de que mundo deixemos ós nosos fillos senón de que fillos deixemos ó noso mundo”. (Álbum)

Águia pescadora

Recentemente, os alumnos de 2º ESO A desprazáronse ata Sta Cruz para visitar unha exposición organizada por FAPAS (Fondo para a protección de animais salvaxes) sobre o proxecto de recuperación da águia pescadora na Ría de Ribadeo e na Costa Cantábrica.
A águia pescadora é un ave rapaz, de tamaño medio, con ás fortes e angulosas, visitante habitual da costa asturiana como invernante e que este ano tamén elexiu a nosa ría para pasar o outono e inverno. Houbo un exemplar que os de FAPAS bautizaron como Panchita, anilláronna (para poder seguirlle a pista en anos sucesivos) e colocáronlle na ría algún pousadeiro (estaca de madeira situada en zonas tranquilas, abertas e con boa visibilidade) para que poidera descansar e pescar comodamente. Trátase en definitiva de adoptar medidas de conservación, iguais ás practicadas noutros lugares e destinadas a aumentar o número de exemplares invernantes para revalorizar dende o punto de vista ambiental , toda a Costa Cantábrica. A ver se o próximo outono Panchita e compañía volven á nosa ría!!!

Presentación do libro "25 Años de Futbol Sala"

Manuel Cadramón, que estudou e foi profesor neste instituto, actual profesor no IES de Becerreá e delegado do Azkar-Lugo, estivo novamente con nós para presentar o seu libro de recente publicación “25 Años de Futbol Sala”.

Correlingua 2011

(Álbum)

O venres 6, baixo o lema EN GALEGO SEMPRE SOMOS, os alumnos/as de 2º e 3º de ESO participaron no Correlingua da Mariña.

Nesta edición, esta carreira anual en defensa do idioma galego tivo lugar en Burela, reunindo a máis de 1.200 escolares da comarca.

Despois de realizar un percorrido urbano pola vila, a xornada rematou coa leitura do manifesto do Correlingua e as actuacion do mago Martín Camiña e do grupo Som do Galpón, que puxeron o broche final na Praza do Concello.

Matarratos Darwin

O pasado martes, día 10, os alumnos/as de 3º e 4º de ESO e os de 1º de Bacharelato asistiron a un espectáculo novidoso. Non foi unha conferencia ao uso, pero tampouco unha obra de teatro, senón algo a medio camiño entre as dúas cousas, ao que os pais da criatura, Vicente de Souza, actor e director, e Xurxo Mariño, científico e divulgador, quixeron chamar discurshow .

Darwin é o protagonista do espectáculo. Nel detállase as anécdotas que normalmente non se cotan da viaxe do naturalista británico nos seus tempos de mozo a bordo do barco Beagle. Durante a mesma pasou enfermidades, terremotos, temporais, medo, frío, pero tamén tivo os seus momentos de felicidade.

Esta obra é un bo exemplo de como se pode achegar a ciencia ao público dun xeito ameno, e de que o divertimento non está reñido cos temas máis sisudos. Ademais, a nosa lingua semella darlle máis carta de natureza a esas intencións, xa que, como dicía o lema dunha exposición realizada no noso IES fai pouco, o galego non deixa de ser o noso medio natural.

Non queremos finalizar esta referencia sen indicar que o acto, que tivo lugar no Auditorio Hernán Naval, foi organizado conxuntamente polos dous institutos de ensino da localidade, o IES Gamallo Fierros e o IES Porta da Auga, e que no noso centro foi impulsado polo Equipo de Dinamización da Lingua Galega e polo Departamento de Ciencias.

Intercambio con Caldas de Reis

O pasado xoves 28 de abril, os alumn@as de 2º e 3º de ESO do noso IES visitaron a vila de Caldas de Reis, dentro das actividades de intercambio co alumnado do IES Aquis Celenis organizadas polo Equipo de Dinamización da Lingua Galega.

A visita comezou ás 11:00 h. Recibíronnos os alumn@s participantes, acompañados dos seus profesores e do Director do centro. A continuación fixemos unha visita guiada pola vila, seguida dun paseo a pé pola beira do Umia ata a moi bonita fervenza de Segade.

A continuación subimos, para xantar, ao mirador do Monte Lobeira, desde onde gozamos dunha espectacular vista de toda a Ría de Arousa.

Á tarde, visitamos Cambados, onde, mesturados os alumn@s dos dous centros, participamos nunha actividade de grupos que nos serviu para coñecer esa vila.

Finalmente dirixímonos á Illa da Toxa, lugar no que moit@s de nós aproveitamos para darnos o primeiro baño da tempada, nunhas augas aínda un pouco fresquiñas.

Todo o bo remata, polo que ás 18:30 h. houbo que emprender o camiño de volta para Ribadeo. Agardamos con impaciencia a devolución da visita, prevista para o día 31 de maio. Intentaremos non desmerecer en nada a súa calorosa acollida.

Foi unha interesante e amena xornada, (Ver álbum de fotos)

II Foro Intercomunitario de Investigación Xuvenil